Petekler onlaýn satuwa çykaryldy: «Arkadag» — «Al-Nassr» toparlarynyň duşuşygy
"Arkadag" we "Al-Nassr" futbol toparlarynyň arasyndaky duşuşygyň peteklerini ashgabat.gov.tm saýtyndan we "Sanly şäher" mobil goşundysyndan onlaýn satyn alyp bilersiňiz. Bu barada Aşgabat şäher häkimliginiň resmi web sahypasynda habar berilýär.
Hasaba alnan her bir ulanyja iň köp 5 petek almaga rugsat berilýär.
Petekleri satyn almak üçin şahsy maglumatlary (pasport ýa-da dogluş hakyndaky şahadatnama) girizmek we her bir adam üçin aýratyn surat ýüklemek hökmandyr.
Stadionyň girelgesinde elektron petegiň QR-koduny mobil enjamda görkezmek ýeterlikdir.
Ozal habar berşimiz ýaly, fewral aýynyň 11-ne sagat 18:45-de paýtagtymyzda ýerleşýän Aşgabat olimpiýa stadionynda ýurdumyzyň futbol boýunça çempiony bolan “Arkadag” topary bilen Saud Arabystan Patyşalygynyň “Al Nassr” topary duşuşarlar.
Gadyrly futbol janköýerleri biz sizi ýurdumyzda geçirilýän Aziýanyň futbol konfederasiýanyň 2-nji çempionlar ligasynyň sekizden bir finalyna tomaşa etmäge çagyrýarys.
Halkara ýaryşynda “Arkadag” toparymyza üstünlikleri arzuw edýäris.
ORIENT
