TBM-niň Halkara bölümine Magtymguly Pyragynyň 2 jiltlik kitaby sowgat edildi
13-nji ýanwarda Eýran Yslam Respublikasynyň Aşgabatdaky Medeniýet meseleleri boýunça geňeşçisi Abdolreza Abbasi bilen Türkmenistanyň Bilim ministrliginiň Halkara bölüminiň müdiriniň arasynda duşuşyk geçirildi.
Duşuşykda iki ýurduň ylym - bilim we medeniýet ulgamyndaky hyzmatdaşlygyny giňelmek babatynda pikir alşyldy. Hususan-da Türkmenistanyň ýokary okuw mekdeplerinde pars dilini okadylyşynyň ösdürilmegine, bilelikde medeni - edebi çäreleri gurnamaklyga aýratyn üns berildi. Hünär kämilleşdiriş sapaklarynyň ýygy - ýygydan geçirilmeginiň zerurlygy hem duşuşykda bellenilip geçildi. 2026-njy ýylda Türkmenistanda pars dili boýunça Olimpiadanyň geçirmeklik hem teklip edildi.
Duşuşygyň ahyrynda Türkmenistanyň Bilim ministrliginiň halkara bölümine ýadygärlik hökmünde Medeniýet merkezi tarapyndan taýýarlanylyp çap edilen Magtymguly Pyragynyň 2 jiltlik kitaby sowgat edildi.
ORIENT
