Alymlar anna güni magnit hadysalary barada duýdurdylar
Alymlaryň habar bermegine görä, anna güni günüň ortalarynda Ýeriň golaýyndan orta möçberli plazma zyňyndysynyň geçmegi sebäpli pes derejeli magnit hadysalaryna garaşylýar. Bu barada Russiýanyň Ylymlar akademiýasynyň Kosmos barlaglary institutynyň Gün astronomiýasy barlaghanasy mälim etdi.
«6-njy ýanwarda Günden çykyp giden orta möçberli plazma zyňyndysynyň planetamyzyň ýanyndan geçmegi sebäpli ertir günüň ortalarynda G1 derejesindäki pes magnit hadysalaryna garaşylýar», — diýip alymlar bellediler.
Şeýle-de olar plazma buludynyň gapdala tarap güýçli süýşendigini göz öňünde tutup, çaklamanyň durnuksyzdygyny aýtdylar.
«Zyňyndynyň örän az çepe gyşarmagy ýagdaýynda, ol Ýeriň ýanyndan hiç hili geomagnit täsirsiz geçip biler, emma ters tarapa bolan “ýalňyşlyk” hasaplanan görkezijiler bilen deňeşdirilende geomagnit yrgyldylarynyň ep-esli güýçlenmegine sebäp bolup biler», — diýip institutda bellediler.
Ýylyň başyndan bäri Günde bolup geçýän şöhle hadysalarynyň derejesi we sany pes ýagdaýda saklanýar hem-de ýakyn günlerde olaryň güýçlenjekdigine alamat ýok. Şeýle-de alymlar Ýere gönükdirilen Gün tarapynda adaty bolmadyk şekilli täze koronal deşigiň peýda bolmagy sebäpli, ýakyn iki günde Gün şemalynyň tizliginiň ortaça artmagynyň mümkinçiligini nygtadylar.
