Gurbanguly Berdimuhamedow adyndaky haýyr-sahawat gaznasy onlaýn platformasyny işe girizdi
Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasy resmi web sahypasyny — hemayat.gov.tm işe girizdi. “Garaşsyz, baky Bitarap Türkmenistan – bedew batly at-myradyň mekany” diýlip yglan edilen 2026-njy ýylyň başynda Türkmenistanda bu portalyň işe girizilmegi ýurduň iň möhüm durmuş ugurly başlangyjynyň döwrebap sanly formata geçmegini alamatlandyrýar.
Indi her bir raýat we halkara hyzmatdaş guramanyň işiniň barşy baradaky maglumatlara göni elýeterlilik alar, web sahypanyň iňlis dilindäki görnüşiniň bolmagy hem-de wezipeleriniň jikme-jik beýan edilmegi gaznanyň işini daşary ýurtlaryň degişli düzümleri we ÝUNISEF ýaly ählumumy derejedäki guramalar üçin aýdyň edýär hem-de Türkmenistanyň durmuş taýdan jogapkärli döwlet hökmünde abraýyny has-da berkidýär.
Web sapyhanyň täzelikler bölüminde Gaznanyň işini beýan etmek bilen bir hatarda, özara gatnaşyklary ýönekeýleşdirýän hem-de kömegiň gysga wagtyň içinde degişli ýerine gowuşmagyny üpjün edýän sanly gurşawyň döredilmegine ýardam berýän netijeli aragatnaşyk guraly bolup hyzmat edýär. Foto we wideogörnüşler bölümleri bolsa Gaznanyň döredilen gününden bäri 5 ýylyň dowamynda (2021-nji ýylyň martyndan bäri) kömek berlen çagalaryň durmuşyndaky iň täsirli pursatlary we hakyky taryhlary görmäge mümkinçilik berýär.
