Türkmenistanyň zenan raýatynyň çagasy Minsk şäherinde 2026-njy ýylyň ilkinji täze doglan çagasy boldy
Ýanwar 04, 2026 | 12:05 |8726
Türkmenistanyň zenan raýatynyň çagasy Belarus Respublikasynyň paýtagty Minskde 2026-njy ýylyň Täze ýylynda dünýä inen ilkinji bäbek boldy. Bu barada belarus köpçülikleýin habar beriş serişdeleri habar berdi.
Gyz bäbejigi 1-nji şäher kliniki hassahanasynda sagat 04:00-da dünýä indi. Täze doglan bäbegiň agramy 3,14 kilogram, boýy bolsa 51 santimetr boldy. Ol ýaş maşgalada dünýä inen ilkinji çagadyr.
Täze ýylyň ilkinji sagatlarynda çaganyň dünýä inmegi adatça gowy alamat, täze durmuşyň nyşany hasaplanýar.
