Maglumat köprüleri: ORIENT halkara hyzmatdaşlaryndan gutlaglary kabul edýär
Aşgabat | ORIENT. Täze ýylyň öňýanyndaky gün – bu diňe bir netijeleri seljermek üçin däl, eýsem habarlar akymyndan hem has giňeýän gatnaşyklary berkitmegiň hem wagtydyr. ORIENT mediatoparyna esasy halkara hyzmatdaşlaryndan gutlaglar gelip başlady.
CGTN: “Mümkinçilikleri açýan hyzmatdaşlyk”
Baýramçylyk hatlarynyň arasynda Hytaýyň Global telewizion torunyň baş redaktorynyň orunbasary, CGTN-iň Rus gullugynyň direktory jenap Din Ýunyň hut özüniň haty aýratyn orun aldy.
CGTN-iň ýolbaşçylygy öz ýüzlenmesinde ýola goýlan gatnaşyklaryň ýokary derejesini belledi:
“Biz aramyzda ynanyşmak esasynda ýola goýlan gatnaşyklara ýokary baha berýäris we täze ýylda hyzmatdaşlygymyzyň täze mümkinçilikleri açjakdygyna ynanýarys. 2025-nji ýyldaky goldawyňyz we netijeli hyzmatdaşlygyňyz üçin tüýs ýürekden minnetdarlyk bildirýäris” — diýlip, hatda bellenilýär.
ORIENT üçin CGTN ýaly ägirt uly media ulgamy bilen hyzmatdaşlyk etmek — umumy hünär gymmatlyklaryna esaslanyp, Türkmenistanyň gün tertibini dünýä jemgyýetçiligine ýetirmäge mümkinçiligidir.
KazanForum: “Täze älem giňişligine”
“Russiýa – Yslam dünýäsi: KazanForum” halkara ykdysady forumynyň Guramaçylyk komitetinden hem ruhlandyryjy gutlag gelip gowuşdy. ORIENT mediatoparynyň Ýewraziýanyň iň iri forumlarynyň biriniň meýdançalarynda köp ýyllaryň dowamynda bilelikde işleşip gelýän Tatarystanly kärdeşleri özara gatnaşyklaryň özboluşlydygyny belläp geçdiler:
“Biz siziň dünýäniň islendik ýerinde dialoga açyklygyňyza we täze çözgütleri tapmak ukybyňyza ýokary baha berýäris. Hakyky hünärmenler üçin ýapyk gapylaryň ýokdugyny biz bilelikde subut etdik. Biz hyzmatdaşlygymyzyň täze derjelere çykjakdygyna bolan ynam bilen täze ýyla gadam basýarys”.
Açyk gapylar diplomatiýasy
Bu gutlaglar – diňe bir etiketiň berjaý edilmegi däl. “Ýapyk gapylaryň ýoklugy” we “täze derejeler” baradaky sözler ORIENT-iň 2025-nji ýyldaky hakyky ösüş depginini görkezýär. Redaksiýamyz üçin şeýle abraýly gurluşlar tarapyndan berilýän baha — bu dünýä açyk media serişdesi hökmünde ösüşi dowam etdirmek üçin kuwwatly itergidir.
2026-njy ýyla gadam basmak bilen, ORIENT ähli halkara hyzmatdaşlaryna bildirýän ynamy üçin minnetdarlyk bildirýär. Biz dostluk we hünär agzybirligi astynda täze “ýagty ýeňişlere we möhüm üstünliklere” taýýardyrys.
