Kosmos «Samarqand-2028»: Özbegistan we Hytaý giperspektral hemrasyny uçurarlar
«Uzbekkosmos» agentligi bilen Hytaýyň STAR.VISION kompaniýasy hyzmatdaşlyk hakyndaky ähtnamasyna gol çekdi. Munuň çäginde Hytaýda işlenip taýýarlanylýan giperspektral hemrasyna «Samarqand-2028» ady berler, diýip Yuz.uz habar berýär.
Bu at Merkezi Aziýadaky iň uly kosmos forumy bolan we 2028-nji ýylda Samarkand şäherinde geçiriljek Halkara Astronawtika Kongresi mynasybetli saýlanyldy.
Özbegistanyň goşandy we hemranyň peýdasy
Ähtnama laýyklykda «Uzbekkosmos» hünärmenleri Ýere uzak aralykdan gözegçilik edýän hemra üçin möhüm emeli aň modulyny işläp taýýarlar.
Hemranyň aljak giperspektral suratlary şu mümkinçilikleri berer:
• Atmosfera howasynyň hili boýunça tiz monitoring.
• Oba hojalyk ekinleriniň we tokaý zolaklarynyň ýagdaýy barada takyk maglumat bermek.
• Ykdysadyýetiň dürli pudaklary üçin seljeriş maglumatlary üpjün etmek.
«Samarqand-2028» hemrasy Özbegistan bilen Hytaýyň halkara kosmos hyzmatdaşlygyny, şeýle hem Özbegistanyň ylmy we tehnologiýa mümkinçiliklerini pugtalandyrmakda täze ädim bolar.
ORIENT
