Mekke: RUA AlHaram AlMakki “Şazada Salman Derwezesi” üçin 6 halkara hyzmatdaşy çekdi
RUA AlHaram AlMakki kompaniýasy (PIF-e degişli baş gurluşykçy) Er-Riýaddaky Cityscape Global 2025 sergisinde ilkinji çykyşyny üstünlikli tamamlady. Jemleýji pursat hökmünde halkara hyzmatdaşlar bilen alty möhüm özara düşünişmek hakynda ähtnamalaryň (MÖM) baglaşylmagy boldy, olaryň maksady maýa goýumlary ösdürmek we global hyzmatdaşlygy ilerletmekden ybarat.
Bu ylalaşyklaryň üns merkezinde kompaniýanyň ilkinji taslamasy — Mekkedäki “Şazada Salman Derwezesi” atly taslama durýar. Ol Al-Masjid al-Haram metjidiniň golaýynda ýerleşýän köpugurly özgerdiji toplumy hökmünde görkezilýär we myhmansöýerlik ulgamynda täze standartlary kesgitlemegi, dünýäniň musulman jemgyýetini birleşdirmegi maksat edinýär.
Ähtnamalar Saud Arabystany, Indoneziýa, Malaýziýa, Bruneý we ABŞ-dan bolan hyzmatdaşlar bilen baglaşyldy. Esasy gol çekijiler şulardyr:
• Osool (Saud Arabystany)
• BPKH (Indoneziýanyň Haj dolandyryş agentligi)
• MRCB (Malaýziýanyň gurluşyk kompaniýasy)
• TAIB (Bruneý Yslam trast gaznasy)
Aýratyn ähmiýetli hyzmatdaşlyk ABŞ-daky Forbes Global Properties bilen baglaşyldy. RUA AlHaram AlMakki kompaniýasy bu eksklýuziw global torunyň agzalygyna goşulan dünýäniň ilkinji gurluşykçysy boldy, bu taslamanyň halkara tanalmagyny ýokarlandyrmaga we juda baý maýadarlary özüne çekmäge mümkinçilik berer.
Bu resminamalaryň gol çekilmegi “Şazada Salman Derwezesi” taslamasynyň ösüşinde möhüm ädim bolup, Saud Arabystanyň “Vision 2030” maksatnamasyny goldaýar we Mekkäni esasy halkara syýahatçylyk nokady hökmünde güýçlendirýär.
ORIENT
