Eýranyň Prezidenti Masud Pezeşkian Türkmenistana sapar bilen geler
Eýranyň Prezidenti Masud Pezeşkian ýakyn günlerde Türkmenistana we Gazagystana sapar eder. Eýranyň MNA agentliginiň habar bermegine görä, bu barada Eýranyň Daşary işler ministrliginiň resmi wekili Esmail Bagai aýtdy.
Gelejekki sapar baradaky habar Tähranyň sebitdäki işjeň diplomatik işleriniň maksatnamasynynda beýän edildi. Eýranyň DIM-iniň wekili Esmail Bagai Aşgabada we Astana boljak saparlary baradaky teswirler bilen birlikde, Azerbaýjan bilen häzirki wagtda alnyp barylýan maslahatlaşmalary, şeýle hem Russiýanyň we Belarusyň ýokary derejeli resmileri bilen öňde boljak duşuşyklary belläp geçdi.
Bu işjeňlik Eýranyň Hazar sebitindäki we Merkezi Aziýadaky goňşulary bilen gatnaşyklaryny pugtalandyrmakda ileri tutýan ugurlaryna şaýatlyk edýär.
Aşgabada saparyň resmi maksady ilki başda yglan edilmedik bolsa-da, Prezident Pezeşkianyň Türkmenistana saparynyň iri halkara çäreleriň çäklerinde geçirilmegine garaşylýar. Ýakyn günlerde Türkmenistanyň paýtagtynda Halkara parahatçylyk we ynanyşmak forumy geçiriler, ol duşuşyk üçin mümkin bolan meýdança bolup biler.
ORIENT
