Türkmenistanyň ykdysadyýeti: 11 aýyň dowamynda esasy görkezijilerde oňyn ösüş
5-nji dekabrda, anna güni geçirilen Türkmenistanyň Ministrler Kabinetiniň mejlisinde wise-premýer Hojamyrat Geldimyradow şu ýylyň on bir aýynyň ykdysady görkezijileri barada hasabat berdi. Hasabatda milli ykdysadyýetiň ähli esasy pudaklarynda dowamly oňyn ösüşler beýan edildi.
Hasabat döwründe jemi içerki önümiň ösüşi 6,3 göterim artdy. Şunuň bilen baglylykda geçen ýylyň degişli döwri bilen deňeşdirilende, şu ýylyň ýanwar — noýabr aýlarynda jemi öndürilen önüm 10,1 göterim artdy, bu bolsa pudaklar boýunça oňyn önümçilik görkezijilerini tassyklaýar. Maliýeleşdirmegiň ähli çeşmelerinden çekilen maýa goýumlarynyň möçberi hem 2,8% ösüş görkezdi.
Iň ýokary ösüş depgini ulag-aragatnaşyk pudagynda hasaba alyndy – ösüş 10%, söwda pudagynda bolsa – 9,7% deň boldy. Gurluşyk pudagy 8,1% ösüş, hyzmatlar ulgamy bolsa 7,4% ösüş görkezildi. Oba hojalygynda 7% durnukly ösüş hasaba alyndy, senagat pudagynda bolsa ösüş – 1,7%-e deň boldy.
Ýurduň daşary söwda dolanyşygy 9,1%, bölek satuw haryt dolanyşygy bolsa geçen ýylyň degişli döwri bilen deňeşdirilende 13% ýokarlandy, bu bolsa içerki islegiň ýokarlanýandygyny görkezýär.
ORIENT
