Türkmenistanyň ýangyç-energetika toplumy durnukly ösüşi görkezýär
Nebitgaz pudagyna gözegçilik edýän Ministrler Kabinetiniň Başlygynyň orunbasary Batyr Amanow şu ýylyň 11 aýynda pudak boýunça alnyp barlan işler barada Ministrler Kabinetiniň mejlisinde hasabat berdi.
Onuň bellemegine görä, “Türkmennebit” döwlet konserni tarapyndan nebit çykarmagyň meýilnamasy 109 göterim ýerine ýetirilip, oňyn ösüş depgini görkezildi.
Uglewodorodlary gaýtadan işlemekde hem ýokary görkezijiler gazanyldy: benzin öndürmegiň meýilnamasy 109,1 göterim, nebiti gaýtadan işlemegiň meýilnamasy bolsa 108,8 göterim ýerine ýetirildi.
Gaz çykaryjy pudagy boýunça ýanwar–noýabr aýlarynda 101,6 göterim, dizel ýangyjyny öndürmegiň meýilnamasy 101,4 göterim, suwuklandyrylan gazy öndürýän hünärmenler bolsa meýilnamany 1 göterim artdyryp ýerine ýetirdiler.
Prezident Serdar Berdimuhamedow wise-premýere uglewodorod çykarylyşyny artdyrmak hem-de ýangyç-energetika toplumynyň gurluşlaýyn bölümleriniň önümçilik mümkinçiliklerini giňeltmek boýunça giň gerimli işleri dowam etdirmegi tabşyrdy.
ORIENT
