Antalýada ilkinji gezek: CFEX 2026 Halkara sergisi agrohimiýa pudagynyň öňdebaryjylaryny jemlär
2026-njy ýylyň 15–17-nji apreli aralygynda Türkiýäniň Antalýa şäherinde ilkinji gezek CFEX (Oba hojalyk himiki serişdeleri we dökünleri sergisi) atly Halkara işewürlik we maglumat platformasy geçiriler. Çäre Nazym Hikmet Sergiler we Kongresler Merkezinde geçiriler we innowasiýa alyşmak hem-de halkara söwdasyny ösdürmek boýunça möhüm meýdança bolmagy maksat edinýär.
CFEX 2026 — oba hojalygynyň öndürijiligini artdyrmaga hem-de durnukly hojalyk ýörelgelerini ornaşdyrmaga gönükdirilen iň täze önümleri, tehnologiýalary we çözgütleri hödürleýän halkara platformadyr. Sergi öndürijileri, distribýutorlary, alymlary we pudak hünärmenlerini bir ýerde jemlär.
Esasy wezipeleriň hatarynda himiki, organiki, biologiki dökünleri we pestisidleri öz içine alýan innowasion önümleri görkezmekdir. Çäre durnukly ekerançylygy goldamak hem-de tehnologiýa transferine ýardam bermek bilen birlikde azyk howpsuzlygy boýunça çözgütlere gönüden-göni elýeterlilik döretmegi maksat edinýär.
Sergi TOBB (Türkiýe Palatalar we Biržalar Bileleşigi) tarapyndan gözegçilik edilýär. Goşmaça maglumaty resmi web sahypasyndan alyp bilersiňiz: cfex.b2b-fairs.com.
ORIENT
