Greyshark: Nemes AI-roboty suw astyndaky internet kabellerini gorayýar
Nemes Euroatlas kompaniýasy Greyshark atly täze suw astyndaky enjamy işläp düzdi we tanyşdyrdy. Bu enjam dünýä internet trafiginiň esasy bölegini geçirýän möhüm infrastrukturanyň 24 sagat goragyny üpjün etmek üçin döredildi.
Suw astyndaky kommunikasiýalara (toruň uzynlygy 1,3 million km-den gowrak) abanýan howplaryň artmagy, awtonom howpsuzlyk ulgamlaryny döretmegi talap etdi. Greyshark — akulanyň görnüşinde sesiz hereket edýän robotdyr. Ol 16 hepdä çenli adamyň gatnaşmagy bolmazdan deňizde galyp biler we adaty gözegçilik gämileriniň ýetip bilmeýän ýerlerini goraýar. Metalsyz korpusy we elektrik motory bilen enjamlaşdyrylan robot gidrolokatorlara görünmän ýerleşdirilen.
Robot häzirki zaman sensor toplumy, şol sanda sonarlar, lidarlar we ýokary çözgütli kameralar bilen enjamlaşdyrylan. Esasy artykmaçlyk — emeli aň moduly (AI), ol adatdan daşary ýagdaýlary, deformasiýalary, goşulmaklyk yzlaryny we hatda suw astyndaky partlaýjylary tapmak üçin öwredildi. Enjam howp anyklanylanda diňe işjeň tertibe geçýär.
Greyshark sanly ykdysadyýetiň howpsuzlygyny üpjün etmekde esasy gurallaryň biri bolmagyny maksat edinýär. Enjamlar bir wagtda işläp, koordinatlaryny şifrlenen kanal arkaly alyşýarlar we olaryň wezipeleri diňe gorag bilen çäklenmeýär — olar ýol kartografiki maglumatlaryny döretmek we turba geçirijeleriň ýagdaýyny seljermek üçin hem ulanylýar.
ORIENT
