Fransuz instituty jübüt rok-tans gurnagyna gatnaşyjylary kabul edip başlady

Dekabr 01, 2025 | 17:50 |8092

Türkmenistandaky Fransuz instituty täze jübüt rok-tans gurnagyna gatnaşyjylary kabul edip başlandygyny habar berýär! Bu — zehinli horeograf Erwanyň ýolbaşçylygynda dinamiki we owadan tansy öwrenmek üçin ajaýyp mümkinçilik.

Gurnak 16 ýaşdan uly islendik adamy kabul edýär. Tans taýýarlyk derejesi tapawut etmeýär. Gatnaşyjylar täsirli hereketleri öwrenip bilerler, döwrebap äheňler bilen sazlaşykly herekete gelmegi başararlar hem-de öz tanyşlyk gurşawyny giňeldip bilerler.

Sapaklar her hepdede iki gezek yzygiderli geçirilýär:

• Çarşenbe: 19:00 – 20:45

• Ýekşenbe: 17:00 – 19:00

Hasaba alynmak we ähli jikme-jiklikleri almak üçin aşakdaky elektron poçta salgysyna ýüz tutmaly: erbotoli@hotmail.fr

ORIENT