Türkmenistanyň Prezidenti ýokary tehnologiýaly maldarçylyk toplumyny açdy
1-nji dekabrda Prezident Serdar Berdimuhamedowyň gatnaşmagynda «Altyn halka» döwlet kärhanasynyň maldarçylyk toplumy ulanmaga berildi. Bu desganyň açylmagy döwletiň syýasatynyň azyk howpsuzlygyny berkitmek we ýurduň oba hojalyk pudagyna dünýäniň öňdebaryjy tehnologiýalaryny ornaşdyrmak boýunça strategiki ugruny tassyklaýar.
Döwlet Baştutanymyz toplumyň edara binasy bilen tanyşyp, sanly ulgamlar bölümine aýratyn üns berdi. Hünärmen Prezident Serdar Berdimuhamedowa toplumyň esasy bölegi, ýagny tutuş toplumyň çägine we önümçilik binalarynda alnyp barylýan işlere nähili gözegçilik edilýändigi barada maglumat berdi.
Serdar Berdimuhammedow çip hasaplaýyş tehnologiýasy bilen tanyşdy: her bir malyň tohum ugry, saglyk ýagdaýy, gündelik sagylýan süýdüň mukdary baradaky maglumatlary öz içine alýan doly elektron resminamalary saklaýan ýörite çip bar. Bölümdäki ýörite ekranda mallaryň saklanýan ýerlerini we oba hojalyk tehnikalarynyň giriş-çykyşyny gözegçilikde saklaýarlar, bu bolsa dolandyryşyň iň ýokary derejede açyklygyny üpjün edýär.
Ministrler Kabinetiniň Başlygynyň orunbasary Taňryguly Atahallyýew täze maldarçylyk toplumynyň gurluşy şol sanda 500 baş maly saklamaga niýetlenen üç sany bölüm, 200 baş göle saklanýan iki bölüm, şeýle hem Ahal welaýatynyň Ak bugdaý etrabynyň çäginde gurulmagy teklip edilýän, täze guşçulyk (ýylda 15 million ýumurtga we 1000 tonna towuk etini öndürýän) hem-de 1000 baş iri şahly maly saklamaga niýetlenen maldarçylyk toplumlarynyň taýýarlanan şekil taslamalary barada-da hasabat berdi.
Prezident Serdar Berdimuhamedow barlaghana bölümine aýlanyp gördi we bu ýerde ABŞ-dan, Ýaponiýadan, Germaniýadan, Polşadan we Bolgariýadan getirilen ýokary takyklykly enjamlar bilen tanyşdy. Döwlet Baştutany bu tehnologiýanyň iýmiň hilini we iýmitlik gymmatyny çalt barlamak, şeýle hem ýokary hilli önümleri öndürmek üçin zerur bolan süýtdäki ýagyň, belokyň we laktozanyň mukdaryny takyk kesgitlemek mümkinçilikleri bilen gyzyklandy bildirdi.
Häzirki zaman tehnologiýasy mallaryň saklanýan bölüminde zerur bolsan temperaturada we çyglylykda saklaýar. Sagym bölüminde bir wagtyň özünde 40 baş sygyrdan önüm almaga mümkinçilik bar. Enjam awtomatiki usulda süýt mukdaryny hasaba alýar we iň esasysy, sygryň saglyk ýagdaýynda haýsydyr bir üýtgeşmeler ýüze çykan halatynda, sagym enjamy awtomatik usulda öçýär.
Toplumyň ýaş göleleri hem-de ene mallary saklamak üçin niýetlenen bölümleri bilen tanyşlygyň dowamynda Döwlet Baştutany mallaryň sanyny köpeltmegiň pudagyň esasy ösüş ugurlarynyň biridigini aýdyp, bu babatda wise-premýere birnäçe anyk tabşyryklary berdi. Şeýle hem, Prezident Serdar Berdimuhamedow ot-iým saklanýan ammaryna baryp gördi we ol ýerde toplumda taýýarlanylýan ot-iýmleriň dürli görnüşleri görkezildi.
Toplumyň umumy meýdany 375 gektara barabar bolup, şonuň 9 gektardan gowrak çäginde degişli desgalar ýerleşýär, 365 gektardan gowrak çäginde bolsa mallar üçin ot-iýmlik ekinleri ýetişdirmek üçin ulanylýar.
Toplum bilen tanyşlygyň ahyrynda Döwlet Baştutany maldarçylyk toplumynyň ýolbaşçysyna täze satyn alnan kuwwatly tahniklaryň we awtoulaglaryň şol sanda ABŞ-nyň “John Deere” kompaniýasynyň traktorlarynyň açarlaryny gowşurdy.
Döwlet Baştutanymyz maldarçylyk toplumy bilen tanyşlykdan soňra, Türkmenistanyň Suw hojalygy baradaky döwlet komitetiniň «Altyn asyr» Türkmen köli aragatnaşyk we gözegçilik dolandyryş edarasyna geldi.
Prezident Serdar Berdimuhamedow bu ýerde hytaýyň “Shantui Construction Machinery FZE” kompaniýasyndan täze satyn alnan tirkeg çekiji we ýangyç daşaýjy awtoulaglaryň, ekskawatorlaryň tehniki aýratynlyklary bilen tanyşdy.
Döwlet Baştutanymyz täze ýokary tehnologiýaly maldarçylyk toplumyň işe girizilmeginiň, şeýle hem ýurduň suw dolandyryş infrastrukturasynyň ähmiýetli derejede berkidilmeginiň döwletiň ykdysady ösüşe hem-de suwy tygşytlamaga toplumlaýyn we ulgamlaýyn çemeleşmesini tassyklaýandygyny nygtady.
ORIENT
