Andijan şäheri 2026-njy ýylda “Türki dünýäsiniň medeni paýtagty” bolar
Türkmenistanyň Medeniýet ministri Atageldi Şamyradowyň ýolbaşçylygyndaky türkmen wekiliýeti 2025-nji ýylyň 28-nji noýabrynda Aktau şäherinde geçirilen Türki medeniýetiň halkara guramasynyň (TÜRKSOÝ) Medeniýet ministrleriniň Hemişelik geňeşiniň 42-nji mejlisine gatnaşdy.
Duşuşyk konstruktiw, işewür formatda geçirildi we Guramanyň ösüşi üçin strategik ähmiýete eýe boldy. Hemişelik Geňeş TÜRKSOÝ-yň geljekki ugurlaryny kesgitleýän birnäçe kararlary kabul etdi.
TÜRKSOÝ-yň 2026–2028-nji ýyllar üçin strategik resminamasy goldanyldy we agza döwletleriň tekliplerine esaslanýan 2026-njy ýyl üçin Iş Maksatnamasy tassyklanyldy.
Baş sekretariata Türki Döwletleriň Guramasynyň 12-nji Sammitinde kabul edilen karara laýyklykda TÜRKSOÝ-y ösdürmäge we pugtalandyrmaga gönükdirilen resminamanyň taslamasyny taýýarlamak tabşyryldy. Bu resminamanyň gutarnykly tassyklanylmagy indiki duşuşykda meýilleşdirildi.
Hemişelik Geňeş “Aktau – türki dünýäsiniň medeni paýtagty 2025” maksatnamasynyň çäklerinde ýylyň dowamynda geçirilen çäreler barada Gazagystan Respublikasynyň hasabatyny diňledi.
2026-njy ýyl üçin “Türki dünýäsiniň medeni paýtagty” diýen adyň gezegi Andijan (Özbegistan) geçirildi. Geňeş Andijanda geçiriljek çäreleriň maksatnamasyny kabul etdi we 2026-njy ýylda şol ýerde Geňeşiň 43-nji mejlisini meýilleşdirdi. TÜRKSOÝ-yň Wagtlaýyn utgaşdyryjysynyň ygtyýarlyklary Özbegistan Respublikasynyň Medeniýet ministrligine geçirildi
Türkmenistanyň duşuşyga gatnaşmagy ýurduň TÜRKSOÝ-yň çäklerinde hyzmatdaşlygy çuňlaşdyrmaga, ynsanperwer gatnaşyklary pugtalandyrmaga we türki dünýäsiniň ýurtlary bilen medeni gatnaşyklary has-da ösdürmäge ygrarlydygyny tassyklady.
ORIENT
