Esasy AI täzeligi: Baidu tizlendirijileri Hytaý bazaryny eýelemäge taýýar
Hytaýyň internet ägirdi Baidu şu aýda emeli aň infrastrukturasynda ulanylýan M100 we M300 atly öz dürli tizlendirijilerini hödürledi. Bu ädim diňe bir sanksiýalar şertinde Hytaýyň Amerikan tehnologiýalaryna baglylygyny azaltmak bilen çäklenmän, ýerli tehnologiýa kompaniýalarynyň uly dil modellerini taýýarlamak üçin zerur bolan has uly hasaplaýyş mümkinçilikleriniň täze güýçli serişdesini hem döredýär.
Modeliň taýýar görnüşi boýunça işlemek (inference) üçin niýetlenen M100 çipi geljek ýylyň başynda elýeterli bolar, has köp ugurly M300 bolsa 2027-nji ýyldan çykarylyp başlar. Derňewçileriň pikiriçe, Baidu-nyň bu tizlendirijileri üstünlikli önümçilige girizilse, Hytaý işläp taýýarlaýjylaryna iki möhüm meseläni çözmäge kömek eder: serişdeleriň ýetmezçiligi we häkimiýetleriň ýerli çiplere geçmek baradaky talaby.
Maýadarlar bu habara höwes bilen seslendiler, sebäbi Baidu-nyň öz tizlendirijileriniň peýda bolmagy kompaniýanyň işewürligini pugtalandyrar we beýleki hytaý bazara gatnaşyjylarynyň hem ünsüni çeker.
JPMorgan-yň çaklamalaryna görä, täze önümleriň kömegi bilen Baidu geljek ýyl çip satuwyndan girdejisini alty esse artdyryp, 1,1 mlrd dollara ýetirip biler, degişli bölüminiň bazar bahasy bolsa 28 mlrd dollara çenli baryp biler. Baidu Huawei Technologies üçin örän çynlakaý bäsdeş bolýar, şeýle hem bazarda Baidu ýaly ýene bir üpjün edijiniň peýda bolmagy ýurduň ähli AI pudagyna oňyn täsir eder.
ORIENT
