Awazada ilkinji gezek Türkmenistanyň Küşt boýunça Gran-prisi geçiriler: Ýaryş 2-nji dekabrda başlanýar
2 — 7-nji dekabr aralygynda «Awaza» milli syýahatçylyk zolagyndaky «Seýrana» myhmanhanasynda 2025-nji ýylyň iň möhüm ýaryşlarynyň biri ― Türkmenistanyň Küşt boýunça Gran-prisiniň nobatdaky tapgyry geçiriler. Bu şäherçede ilkinji gezek Gran-priniň guralmagy wakanyň ähmiýetini has-da artdyrýar we ýurt boýunça küşt jemgyýetçiliginiň uly gyzyklanmasyny döredýär.
Häzirki wagtda eýýäm 126 gatnaşyjy hasaba alyndy. Olaryň arasynda öňdebaryjy ussatlar, hyjuwly ýaşlar we geljegi uly bolan täze zehinler bar diýip, Türkmenistanyň Küşt Federasiýasy habar berdi.
Gatnaşyjylara ýokary derejeli guramaçylyk, amatly ýaryş meýdançasy we deňiz kenarynyň ruhlandyryjy gurşawy garaşýar.
Gatnaşyjylar üçin
Awazadaky Gran-pri tapgyry bu:
• ýokary derejeli ýaryşyň ilkinji gezek abraýly dynç alyş zolagynda geçirilmegi;
• reýting utuklaryny gazanyp, möwsümde öz orunlaryny berkitmek mümkinçiligi;
• güýçli garşydaşlaryň arasynda özüňi görkezmek mümkinçiligi;
• örän gowy şertler we ýokary guramaçylyk derejesi.
Çagalar we ene-atalar üçin
Awaza ― çagany küşte ruhlandyrmak üçin iň gowy ýer:
• ýaryşyň öwüşginli gurşawy;
• deňiz, sport we ösüş bir ýerde;
• logika we strategiýanyň janly mysaly.
Hemaýatkärlere çagyryş
Küşt federasiýasy Awazada ilkinji gezek geçiriljek Gran-pri tapgyryny goldamak üçin hemaýatkärleri çagyrýar ― bu ýer ýurduň iň özüne çekiji dynç alyş zolaklarynyň biridir.
Näme üçin bu ýaryşyň hemaýatkäri bolmaly?
✓ Taryhy waka ― Gran-pri Awazada ilkinji gezek geçirilýär, bu bolsa tomaşaçylaryň uly gyzyklanmasyny döredýär.
✓ giň gerimi öz içine alyjylyk ― türgenler, ene-atalar, tälimçiler, sport mekdepleri, media.
✓ abraý we imij ― intellektual sporty we ýaşlaryň ösüşini goldamak.
✓ media görnüşi ― sosial ulgamlarda, habarlarda, foto we wideo maglumatlarda ýatlanyp geçilmegi.
✓ hemaýatkärleriň brendi ― bannerlerde, surata düşüriş zolaklarynda, bukletlerde, wideo we onlaýn mazmunynda hemaýatkärleriň nyşanlarynyň ýerleşdirilmegi.
Hemaýatkärleriň goldawy ― küşt hereketiniň ösüşine we ýurduň intellektual geljegine goşantdyr.
