Türkmen milli konserwatoriýasynda Bahyň 340 ýyllygy mynasybetli konsert geçirildi
15-nji noýabrda Maýa Kulyýewa adyndaky Türkmen milli konserwatoriýasynyň uly zalynda dünýä belli nemes kompozitory Iogan Sebastýan Bahyň 340 ýyllygy mynasybetli konsert geçirildi.
Konsertiň dowamynda Bahyň döreden sazlary we onuň sazlaryna ýazylan ariýalardyr aýdymlar ýerine ýetirildi. Konsertiň dowamynda ýaňlanan eserler tomaşaçylarda aýratyn ýakymly täsir galdyrdy.
«Bahyň sazynyň içinde Älemiň pelsepesi bar: ol çuň, ýöne düşnükli; kämil, ýöne diri; berk, ýöne mähirli; baky, ýöne hemişe ter! Bahyň sazynda adamzat hemişe özüne söhbetdeş tapýar — onuň her bir notasy ynsana üýtgewsiz hakykaty açyp bilýän mukaddes dergähdir» diýip, konsertiň guramaçylygyna işjeň gatnaşan Maýa Kulýewa adyndaky Türkmen milli konserwatoriýasynyň Kamera ansambly kafedrasynyň uly mugallymy Swetlana Kim gürrüň berýär.
ORIENT
