Türkmenistan we Özbegistan ikitaraplaýyn ylalaşyklaryň toplumyny kabul etdiler
Daşkentde geçirilen ýokary derejeli gepleşikleriň jemleri boýunça Türkmenistanyň Prezidenti Serdar Berdimuhamedow we Özbegistan Respublikasynyň Prezidenti Şawkat Mirziýoýew Bilelikdäki beýannama gol çekdiler.
Mundan başga-da, döwlet Baştutanlarynyň gatnaşmagynda aşakdaky resminamalara gol çekişlik dabarasy geçirildi:
– “Türkmen-Özbek” serhetýaka söwda zolagynyň işi hakynda Ylalaşyk;
– Saglygy goraýyş we lukmançylyk ylmy ulgamynda hyzmatdaşlyk etmek hakynda Ylalaşyk;
– Oba hojalygynda hyzmatdaşlygy mundan beýläk-de ösdürmek hakynda Ylalaşyk;
– Adatdan daşary ýagdaýlaryň duýdurylmagy we olary aradan aýyrmak babatda hyzmatdaşlyk etmek hakyndaky hökümetara Ylalaşygyna üýtgetmeler girizmek hakynda protokol;
– Halkara awtomobil ýolagçy we ýük gatnawy baradaky hökümetara Ylalaşygyna üýtgetmeler girizmek hakynda protokol;
– Adalat ministrlikleriniň arasynda 2026-2027-nji ýyllar üçin hyzmatdaşlyk maksatnamasy;
– 2026-2027-nji ýyllarda medeniýet ulgamynda hyzmatdaşlyk maksatnamasy;
– Nebit önümlerini we suwuk himiki ýükleri daşamak üçin demir ýol wagonlary bilen üpjün etmekde ulgamynda hyzmatdaşlyk hakynda Ähtnama;
– Biologik howpsuzlyk boýunça özara düşünişmek hakynda Ähtnama;
– Özbegistan Respublikasynyň Prezidentiniň ýanyndaky Strategik we sebitara barlaglar instituty bilen Türkmenistanyň Daşary işler ministrliginiň Halkara gatnaşyklary institutynyň arasynda türkmen-özbek bilermenler geňeşiniň döredilmegi hakynda Ähtnama;
– Özbegistan Respublikasynyň Prezidentiniň ýanyndaky Kanunçylyk we hukuk syýasaty instituty bilen Türkmenistanyň Döwlet, hukuk we demokratiýa institutynyň arasyndaky hyzmatdaşlyk hakynda Ähtnama;
– Tokaý hojalygy pudagynda 2026-2030-njy ýyllarda hyzmatdaşlyk etmek boýunça “ýol kartasy”;
– Surhanderýa we Kaşkaderýa welaýatlarynyň häkimlikleri bilen Lebap welaýatynyň häkimliginiň, Daşkent welaýatynyň we Ahal welaýatynyň häkimliginiň, Garagalpagystan Respublikasynyň Ministrler Geňeşiniň we Daşoguz welaýatynyň häkimliginiň arasynda söwda-ykdysady, ylmy-tehniki, medeni-ynsanperwer ugurlarda hyzmatdaşlyk etmek hakynda ylalaşyklar.
Gol çekilen resminamalar türkmen-özbek strategik hyzmatdaşlygynyň hil taýdan täze, ulgamlaýyn derejä geçýändigini ynamly tassyklady.
Sebit derejesinde integrasiýa üçin berk hukuk binýadyny döredýän belli welaýatlaryň we sebitleriň arasyndaky deňsiz-taýsyz hyzmatdaşlyk ylalaşyklarynyň toplumy aýratyn ähmiýete eýedir. Geçirilen gepleşikler durmuşyň ähli ugurlaryny öz içine alýan giňişleýin hukuk binýadyny döretdi — söwda-ykdysady gatnaşyklary we ulag-logistika hyzmatdaşlygyndan başlap, bilermenleriň seljermesine we ynsanperwer ulgamdaky ýakynlaşma çenli.
Bu resminamalar toplumy döwlet Baştutanlarynyň öňde goýan maksatlarynyň bilelikdäki işler arkaly amala aşyryljakdygyna, doganlyk halklaryň we tutuş Merkezi Aziýa sebitiniň abadançylygyny we durnukly ösüşini üpjün etjekdigine kepil geçýär.
ORIENT
