Microsoft ýokary aň ulgamyny işläp taýýarlamak üçin topar döredýär
Microsoft iň ösen emeli aň ulgamlaryny, şol sanda mümkin bolan ýokary aň ulgamyny ösdürmäge gönükdirilen täze MAI Superintelligence Team ylmy-barlag toparynyň döredilýändigini yglan etdi. Bu strategiki ähmiýeti bolan taslama Microsoft AI-niň ýolbaşçysy we öň DeepMind-y esaslandyran Mustafa Süleýman tarapyndan dolandyrylar.
Täze toparyň esasy wezipesi diňe bir kuwwatly däl, eýsem dolandyrylýan, öňünden çaklanyp bilner ýaly we global derejede amaly meseleleri çözmäge uýgunlaşdyrylan emeli aň tehnologiýalaryny döretmekdir. Microsoft bu ugra uly möçberde maýa goýmagy meýilleşdirýär.
• Işgärler ugrunda bäsleşik:MAI Superintelligence Team-iň döredilmegi tehnologiýa ägirtleriniň öňdebaryjy AI hünärmenleri üçin dünýä derejesinde alyp barýan bäsleşiginiň şertlerinde bolup geçýär. Mundan ozal Meta (RF-de gadagan edilen gurama) hem şuňa meňzeş barlaghanasyny açypdy.
• Toparyň düzümi:Topar Microsoft-yň içerki hünärmenlerinden hem-de daşardan işe alynýan işgärlerden düzüler. Toparyň baş ylmy ýolbaşçysy wezipesine Karen Simonýan bellendi.
• Ýolbaşçy tejribesi: Mustafa Süleýman emeli aň ulgamynda giň tejribä eýe. Ol häzirki wagtda Google-a degişli bolan DeepMind-y esaslandyryjylaryň biridir. Şeýle-de onuň öňki taslamasy — Inflection AI — 2024-nji ýylda Microsoft tarapyndan satyn alndy.
Täze başlangyjyň çäginde Microsoft lukmançylyk ugurlaryna aýratyn üns berýär. Mustafa Süleýman ýakyn 2–3 ýylyň içinde AI ulgamlary kliniki ýagdaýlary ýokary derejeli lukmanlar derejesinde seljerip, gizlin töwekgelçilikleri we howply keselleriň irki alamatlaryny ýüze çykaryp biljekdigini çaklaýar.
ORIENT
