SanDisk MacBook we iPad üçin 1 TB göwrümli kiçi fleş-kartyny döretdi
SanDisk kompaniýasy öz önüm sanawyndaky iň kiçi fleş-ýady — SanDisk Extreme Fit modelini hödürledi. USB Type-C birikdirijisi bilen enjamlanan bu täze esbap 1 terabaýta çenli göwrümde elýeterli bolup, MacBook, iPad ýa-da häzirki zaman kompýuterleri ýaly ykjam enjamlar üçin hemişe goşmaça ýer gerek bolan ulanyjylar üçin niýetlenendir.
SanDisk Extreme Fit-iň esasy aýratynlygy onuň örän kiçi göwrümli bolmagydyr. Bu fleşi kompýuteriň ýa-da planşetiň portunda dowamly goýmak mümkin, göterilende döwülmek howpy ýok.
• Ölçegi: 18,50 × 15,70 × 13,60 mm
• Agramy: bary-ýogy 3 gram
• Interfeýs we tizlik: USB 3.2 Gen 1 goldaýar, okamak tizligi sekuntda 400 MB-a çenli.
Bu tizlik köp mukdarda foto, wideo we resminamalary çalt geçirmek üçin amatlydyr. Öndüriji kompaniýa fleşiň portda berk durýandygyny, kompýuteri daşamakda ýa-da torbada götermekde onuň ýitip gitmejekdigini ýa-da zeper ýetmejekdigini belleýär.
SanDisk Extreme Fit dürli göwrümlerde elýeterlidir: 64, 128, 256, 512 GB we 1 TB.
Faýllary dolandyrmak, ätiýaçlyk nusgasyny döretmek we enjamyň ýadyny boşatmak üçin SanDisk Extreme Fit ýörite SanDisk programmasy bilen işleýär. Bu programma awtomatiki ätiýaçlyk göçürmesini hem goldaýar. Kompaniýa bu fleş-ýada 5 ýyl kepillik berýär.
ORIENT
