Germaniýanyň supermarketinde AI-robot aşpez gyzgyn naharlary taýýarlap başlady
Germaniýanyň Düsseldorf şäherinde dünýä premýerasy bolup geçdi: Rewe söwda torunyň supermarketinde doly awtomatlaşdyrylan, AI-niň kömegi bilen gyzgyn naharlary taýýarlaýan robot-aşpez işe başlady. Circus startapy tarapyndan işlenip düzülen bu innowasiýa, jemgyýetçilik iýmitlendirilişinde işgär ýetmezçilik meselelerini çözmegi we müşderilere sanlyja minutda taýýarlanan naharlary hödürlemäge gönükdirilen.
Awtomatiki aşpez moduly, aýna panelinde ýerleşdirilen, iki mehaniki eli ulanyp, adaty aşhananyň gap-gaçlaryny ussatlyk bilen ulanýar. Robot pasta arrabýata, merjimek karrisini we kädi çorbasyna çenli islendik nahary taýýarlap biler.
Sargyt we taýýarlamak prosesi:
• Müşderi sensor ekranda nahary saýlaýar.
• Robot taýýarlanylýan azyk önümleri özbaşdak saýlaýar we nahary taýýarlýar.
• Taýýar nahar birnäçe minutda müşderä nahar gabynda berilýär.
Işläp taýýarlaýjylaryň aýtmagyna görä, bu akylly awtomat zähmet çykdajylaryny 95% çenli azaltmaga ukyplydyr we bir gural dynç almazdan 400 nahara çenli taýýarlap biler. Bu, pandemiýadan soň umumy iýmitlendiriliş pudagyndaky düýpli işgär ýetmezçiligi meselesini çözmekde esasy çözgüt hökmünde kabul edilýär.
• Rewe torunyň garaýşy: Toruň ýolbaşçylary robotyň adam işgärleriň ýerini tutmak üçin däl, goşmaça hyzmat hökmünde işledilýändigini belläp geçýär. Onuň wezipesi – işgär ýetmezçiliginiň öwezini dolmak we nahar görnüşini giňeltmek.
• Müşderileriň seslenmesi: Ilkinji myhmanlar hoşal boldy. Bir müşderi karriniň ajaýyp bolandygyny belledi we awtomatlaşdyrylan ulgamdan garaşaryndan hem has gowy bolandygyny aýtdy.
Synag taslamasynyň üstünlikli bolmagy bilen geljekde robotlar Düsseldorf we Bonn şäherindäki üç süpermarkete hem giriziler.
ORIENT
