Apple 2026-njy ýylda 15 täze önümi hödürlär: eplenilýän iPhone we täze modemiň çykarylmagyna garaşylýar
Apple kompaniýasy 2026-njy ýylda azyndan 15 täze önüm çykarmagy meýilleşdirýär. Bloomberg agentliginiň wekili Mark Gurmanyň maglumatlaryna görä, bu kompaniýanyň taryhynda iň möhüm ýyllaryň biri bolar. Has güýçlendirilen Apple Intelligence funksiýalary bilen baglanyşykly giň gerimli täzelenmelere, şeýle hem köp garaşylan eplenilýän iPhone-nyň çykmagyna garaşylýar.
2026-njy ýylda Apple esasy önüm hatarlaryny täzelemek bilen meşgullanar, şeýle hem täze nesil çiplerini integrirlär:
• Mac: MacBook Air, Mac mini we Mac Studio modelleri üçin M5 çiplere geçilmegine garaşylýar. MacBook Pro modelleri üçin bolsa M5 Pro/Max çipleri ulanylar. Ýylyň ahyrynda has inçe korpusly, sensor ekranly we M6 Pro/Max çipli täze MacBook Pro modelleriniň çykmagy mümkin.
• Planşetler: iPad 12 (A18 çipi bilen), iPad Air (M4 çipi bilen) we OLED ekrany bolan täze iPad mini hödürlener.
2026-njy ýylda Apple strategiýasynyň ugruny görkezýän birnäçe möhüm çykyşlar garaşylýar:
• Eplenilýän iPhone: Kompaniýanyň ilkinji eplenilýän smartfonyň çykmagy bilen Apple täze bazara girer.
• Şahsy modem: iPhone 18 Pro modelleri Qualcomm modemlerinden ýüz öwürip, Apple-iň döredýän C1 modemini ulanar.
• Akylly öý we Siri: Siri ses kömekçisiniň täze wersiýasy, diwara berkidilip bilinýän akylly öý displeýi hem-de howpsuzlyk üçin niýetlenen IP-kamera hödürlener.
• Akylly äýnekler: 2026-njy ýylyň ahyrynda kompaniýa smart äýnek önümini görkezmegi hem mümkin. Üpjün edijiler eýýäm synag tapgyrlarynyň önümçiligine başlady.
Şeýlelikde, 2026-njy ýyl Apple üçin enjamlar ulgamynyň giň möçberde täzelenýän ýyly bolar. Şeýle hem kompaniýa eplenilýän enjamlar we ösen akylly öý ulgamlary ýaly özüne täze bolan ugurlara girip başlar. Bu hem App Store ulgamyna bildirilýän düzgünleşdiriji basyşyň güýçlenýän döwri bilen gabat gelýär.
ORIENT
