Garaşylmadyk pese düşüş: Bitcoin 2018-nji ýyldan bäri ilkinji gezek oktýabr aýyny kemçilikli tamamlady
Dünýäniň iň uly kriptowalýutasy 7 ýyl dowam eden ösüşiniň arasyny bölüp, 2025-nji ýylyň oktýabryny takmynan 5% pese düşmegi bilen tamamlady. Bu Bitcoin-iň 2018-nji ýyldan bäri şu aýda ilkinji pese düşüşidir. Esasy sebäp ABŞ bilen Hytaýyň arasyndaky söwda dartgynlygynyň güýçlenmegi we kripto bazaryndaky töwekgel aktiwleriň köp mukdarda satuwa çykarylmagydyr.
ABŞ-nyň hytaý harytlaryna salgytlary ýokarlandyrmak we eksport gözegçiligini girizmegiň ähtimallygy baradaky beýanatlary maýadarlaryň arasynda näbelliligi güýçlendirdi. Netijede, Bitcoin taryhynda iň iri satuw tolkunlarynyň birini başdan geçirip, 10–11-nji oktýabrda bir teňňe $104 782 derejä çenli düşdi.
Bu pese düşüş Bitcoin-iň täze rekordy — $126 000-dan ýokary bolan bahasyna ýetmeginden birnäçe gün soň ýüze çykdy. ABŞ-nyň Federal ätiýaçlyk ulgamy tarapyndan göterimleriň peseldilmegine garaşylan kararlar hem heniz tassyklanylmandygy sebäpli näbellilik has-da güýçlendi.
Şonuň bilen birlikde, 2025-nji ýylyň başyndan bäri Bitcoin durnukly ösüş görkezýär — 16% gowrak. Bazardaky oňyn ýagdaý ABŞ bilen kadalaşdyryjy klimatyň howulanmagy bilen saklanýar. Syýasy toparlarda sanly aktiwlere bolan oňyn garaýyş iki möhüm üýtgeşiklige getirdi:
• Kriptowalýuta platformalary bilen bağly birnäçe kazyýet işleriniň bes edilmegi.
• Sanly aktiwler pudagyny tertipleşdirmek üçin üçin ýörite düzgünleriň işlenip başlanylmagy.
ORIENT
