Innowasiýalar, akylly tilsimatlar we häzirki zaman ulag düzüminde öňdebaryjy tejribeler bir meýdançada
12–14-nji noýabry aralygynda Türkmenistanda «Türkmentel–2025» atly Halkara sergisi we ylmy maslahaty hem-de «Halkara ulag-üstaşyr geçelgeleri: özara baglanyşyk we ösüş – 2025» atly Halkara maslahaty we sergisi geçiriler.
Sebitiň maglumat-aragatnaşyk tehnologiýalary ulgamyndaky bu möhüm çärä Türkmenistan, Russiýa, ABŞ, Kanada, Beýik Britaniýa, Şwesariýa, Belgiýa, Fransiýa, Türkiýe, Ýaponiýa, Kipr, Ukraina, Azerbaýjan, Gazagystan, Owganystan ýaly ýurtlaryň kompaniýalarynyň ýolbaşçylary, wekilleri, alymlary, bilermenleri we işewürleri gatnaşarlar.
Şol sanda, «Halkara Elektroaragatnaşyk bileleşigi» (ITU), «Garaşsyz Döwletleriň Arkalaşygyna agza ýurtlaryň Aragatnaşyk boýunça sebit arkalaşygy» (PCC) ýaly abraýly halkara guramalarynyň wekilleri, şeýle hem «IBM», «D8 Corporation», «Juniper Networks», «Nokia», «Huawei», «Thales», «Eastwind», «Mitel Networks (Bulgaria) Ltd», «Promark Dijital Tehnolojilaer Ltd», «Mitsubishi Corporation», «Nextremum», «Alstom», «JandeNul NV Belgium», «SDC Kazakhstan LLP» ýaly dünýäniň kommunikasiýa ulgamynda möhüm orun eýeleýän kompaniýalaryň ýolbaşçylarynyň we wekilleriniň gatnaşmagyna garaşylýar.
Şeýle hem forumyň çäklerinde, «Sanly çözgüt - 2025» atly innowasion taslamalar bäsleşigiň jemleri jemlener we bäsleşigiň ýeňijilerine diplomlar we gymmat bahaly sowgatlar dabaraly ýagdaýda gowşurylar. «Türkmenel—2025» halkara sergisi we ylmy maslahaty dünýäniň ýokary tehnologiýalar babatda tejribe we pikir alyşylýan meýdançasyna öwrüler.
