“Türkmennebit” Ženewadaky durnukly energetika hepdeliginde – UNECE we SPECA formatyndaky dialog
Ženewa / Aşgabat, 4-nji oktýabr | ORIENT. Türkmenistan Ženewadaky Milletler Köşgünde geçirilen UNECE-iň (Milletler Guramasynyň Ýewropa ykdysady komissiýasy) Durnukly energetika hepdeligine gatnaşdy. “Türkmennebit” döwlet konserniniň başlygynyň orunbasary Wekilmuhammet Ussaýewiň ýolbaşçylygyndaky wekiliýet ählumumy we sebitleýin energetika ulgamlary üçin strategiki ösüş ugurlaryny ara alyp maslahatlaşdy.
Hepdäniň esasy temasy “Durnukly energetika ulgamlaryny döretmäge adalatly geçiş”. Türkmenistanyň nebitgaz pudagyndan wekiliň gatnaşmagy, uglewodorodyň mümkinçiliginiň ulanylmagy we “ýaşyl” tehnologiýalary ornaşdyrmak bilen deňagramlaşdyrmak meselesinde ýurduň strategiki çemeleşmesini tassyklady.
Hepdäniň çäginde SPECA-niň (BMG-niň Merkezi Aziýanyň ykdysadyýetleri üçin ýörite maksatnamasy) sebitindäki hyzmatdaşlyga aýratyn üns berildi. Ykdysady hyzmatdaşlygyň binýady hökmünde energetikanyň esasy orny nygtaldy. Bu bolsa sebitde iri üpjün ediji hökmünde Türkmenistan üçin strategiki ileri tutulýan ugurdyr.
Durnukly energetika boýunça komitetiniň we bilermenler toparlarynyň mejlisleriň dowamynda türkmen energiýasyny döwrebaplaşdyrmak maksatnamasy bilen gönüden-göni baglanyşykly köp sanly meselä seredildi: gaýtadan dikeldilýän energiýany ösdürmek hem-de senagatda we gurluşykda energiýa netijeliligini ýokarlandyrmak; energiýa ulgamlarynyň sanly üýtgemegi we hünärmenleriň ösüşie uýgunlaşmagy; durnukly hereket we häzirki zaman tehnologiýalaryna elýeterlilik meseleleri.
Türkmenistanyň foruma gatnaşmaklygy diňe bir energiýa howpsuzlygy we netijeliligi boýunça gazananlaryny görkezmäge däl, eýsem 2026–2027-nji ýyllar üçin strategiki ileri tutulýan ugurlary kesgitlemäge şeýle hem öňdebaryjy bilermenler we halkara guramalary bilen ösen tejribäni alyşmaga mümkinçilik berdi.
