NASA taryhda iň uzak aralyga adamly kosmos uçuşyny meýilleşdirýär
NASA 2026-njy ýylyň fewral aýynda dört kosmonawtdan ybarat topary taryhda iň uzak aralyga adamly kosmos uçuşyna ugratmagy meýilleşdirýär. Syýahat takmynan on gün dowam eder we soňky 50 ýylyň dowamynda ilkinji gezek adamlar Aýa şeýle ýakynlaşar hem-de Ýerden rekord aralykda daşlaşar.
«Artemida-2» ady bilen tanalýan bu missiýanyň ekipažyna Kristina Kuk, pilot Wiktor Glower, komandir Gregori Rid Uaýzmen we Jeremi Hansen girýär.
Bu uçuş «Artemida» maksatnamasynyň ikinji uçurylyşy bolup, onuň maksady kosmonawtlaryň Aýa gonmagy we onuň üstünde uzakmöhletli bolmagyny ýola goýmakdyr.
NASA-nyň administratorynyň orunbasarynyň wezipesini ýerine ýetiriji Lakişa Hokinsiň bellemegine görä, uçurylyş üçin mümkinçilik eýýäm 5-nji fewralda açylmagy mümkin, emma ekipažyň howpsuzlygynyň esasy ileri tutulýan ugur bolup galýandygyny nygtady.
