Türkmenistanyň Prezidenti harby we hukuk goraýjy edaralarynyň harby gullukçylaryny hem-de işgärlerini sylaglady we olara ýörite atlary dakdy
Türkmenistanyň Prezidenti, Türkmenistanyň Ýaragly Güýçleriniň Belent Serkerdebaşysy Serdar Berdimuhamedow, Türkmenistanyň garaşsyzlygynyň 34 ýyllygy mynasybetli harby gullukçylaryň we harby hem-de hukuk goraýjy edaralaryň işgärleriniň hyzmatlaryny belläp, iki Permana gol çekdi.
Türkmenistanyň Prezidentiniň Permany harby gullukçylaryň Hemişelik Bitarap Türkmenistanyň Garaşsyzlygyny we özygtyýarlylygyny pugtalandyrmaga, goranmak ukybyny berkitmäge, çäk bitewüligini goramaga, howpsuzlygy, jemgyýetçilik we hukuk tertibini, kanunçylygy üpjün etmäge goşan uly şahsy goşantlarynyň ykrar edilmegi boldy. Resminamalarda mukaddes harby borjy jogapkärçilik bilen ýerine ýetirendikleri we söweş taýýarlygynda gazanan ýokary netijeleri aýratyn bellenilýär.
Gol çekilen Permanlara laýyklykda, berkarar Watanymyza, merdana halkymyza köp ýyllaryň dowamynda birkemsiz gulluk edendikleri, çeken halal we göreldeli zähmeti, döwletiň we jemgyýetiň öňünde bitiren aýratyn hyzmatlary bellendi.
Hususan-da, Permanlaryň biri bilen döwletimiziň we jemgyýetimiziň öňündäki aýratyn hyzmatlary üçin harby gullukçylaryň we işgärleriň bir topary Türkmenistanyň döwlet sylaglary — medallary bilen sylaglanyldy.
Beýleki Permana laýyklykda bolsa, kanunçylygyň we tertip-düzgüniň berkidilmegine, şeýle hem Watanymyzyň goranmak ukybynyň berkemegine goşan goşandynyň ykrar edilmeginiň nyşany hökmünde harby gullukçylaryň we işgärleriň bir toparyna nobatdaky harby we ýörite atlar, şeýle hem hünär derejeleri berildi.
Şeýlelikde, Türkmenistanyň Prezidenti Serdar Berdimuhamedow türkmen jemgyýetiniň asudalygyny goraýan ähli düzümleriň birkemsiz işine döwlet tarapyndan berilýän aýratyn ähmiýeti nygtady.
ORIENT
