Apple täze önümleri tanyşdyrandan soň dört modeli önümçilikden aýyrdy
Apple iPhone 17 telefonlarynyň täze hataryny tanyşdyranyndan soň dört smartfon modelini – iPhone 15, iPhone 15 Plus, iPhone 16 Pro we iPhone 16 Pro Max – önümçilikden aýyrdy. Bu barada kompaniýanyň resmi saýtynda ýerleşdirilen maglumatlar habar berýär.
Indi bu modelleri diňe üçünji tarap satyjylardan satyn alyp bolýar. Häzirki wagtda Apple-iň resmi setirinde diňe iPhone 16, iPhone 16 Plus we iPhone 16e galdy.
9-njy sentýabrda Apple Park-daky Stiw Jobs adyndaky teatrda Apple-iň adaty sentýabr aýyndaky täze önümleriniň tanyşdyrylyş dabarasy geçirildi. Kompaniýa täze iPhone Air-i we iPhone 17-niň täze hataryny hödürledi. Şeýle hem, Apple Watch we AirPods Pro enjamlaryna täzelenmeler girizildi. Täze önümler tanyşdyrylan gününde Apple-iň paýnamalarynyň bahasy 1,48% pese gaçdy. Bir paýnamanyň iň pes bahasy $233,3 boldy.
