Türkmenistanyň mirasy Buharestde geçiriljek III Aziýa medeniýet festiwalynyň sahnasynda ýaňlanar
2025-nji ýylyň 6-njy sentýabrynda Buharest şäherindäki «Dimitriýe Gusti» atly Milli obalar muzeýinde III Aziýa medeniýet festiwaly geçiriler. Festiwal Bangladeş, Hytaý, Hindistan, Indoneziýa, Eýran, Ýaponiýa, Koreýa Respublikasy, Malaýziýa, Pakistan, Şri-Lanka, Filippinler, Taýland, Wýetnam we Türkmenistan ýaly sebitiň 15-den gowrak ýurduň wekillerini bir ýere jemlär.
Myhmanlara baý mazmunly maksatnama garaşýar: milli sazlar we tanslar, milli aşhana, el hünäri eserleri we Aziýanyň baý medeni mirasy bilen tanyşlyk.
Guramaçylaryň belleýşi ýaly, bu festiwal diňe bir dürli öwüşginli däp-dessurlary görmek mümkinçilikleri bilen çäklenmän, eýsem döwletleriň arasynda dost-doganlygy we özara düşünişmegi berkitmek üçin hem möhüm meýdança bolup hyzmat edýär.
Aziýa medeniýet festiwaly eýýäm üçünji gezek geçirilýär we Rumyniýanyň medeni durmuşynda möhüm waka öwrülip, dürli halklary bir sahnada birleşdirýär.
Çäre 11:00-dan 16:00-a çenli dowam edip, Aziýanyň medeni köpdürlüligini şöhlelendirýän baýramçylyga öwrüler.
