Raşid Meredow: Aşgabat we Moskwa bilelikde sebitleýin formatlaryny pugtalandyrmak üçin ähli tagallary edýärler
Türkmenistanyň DIM-niň ýolbaşçysy Raşid Meredow metbugat maslahatynda özüniň rus kärdeşi Sergeý Lawrow sebitiň ýurtlarynyň arasynda has ýakyn wagtda çözüljek Hazar meselesini ara alyp maslahatlaşandygyny mälim etdi diýip, TASS habar berýär.
Diplomatyň belleýşi ýaly, Aşgabat bilen Moskwanyň häzirki wagtda sebitleýin formatlaryny pugtalandyrmak üçin ähli tagallary edýär. “Merkezi Aziýa + Russiýa” – biz şu ýylyň oktýabr aýynda Täjigistanda geçiriljek döwlet ýolbaşçylarymyzyň nobatdaky, ikinji sammitine taýýarlyk görýäris. Biz Hazar meselesini giňişleýin ara alyp maslahatlaşdyk. Bu ýerde Türkmenistan, Russiýa Federasiýasy we goňşulary ýakyn wagtda bilelikde çözjek meseleleri bar” – diýip, FR-iň DIM-niň ýolbaşçysy bilen geçirilen gepleşikleri jemleri boýunça R.Meredow mälim etdi.
Penşenbe güni R.Meredow Moskwada S.Lawrow bilen gepleşikleri geçirdi. Ministrler ikitaraplaýyn syýasy, söwda-ykdysady we medeni-ynsanperwer ugurlary boýunça häzirki meseleleri ara alyp maslahatlaşdylar, halkara we sebitleýin meseleleri boýunça pikir alyşdylar.
ORIENT
