Halkara nebit we gaz uniwersitetinde Bilimler gününe bagyşlanan maslahat geçirildi
1-nji sentýabrda giňden bellenilýän Bilimler we Talyp ýaşlar güni mynasybetli Ýagşygeldi Kakaýew adyndaky Halkara nebit we gaz uniwersitetinde ylmy-amaly maslahat geçirildi.
28-nji awgustda geçirilen çäre ýokary hünärli inžener-tehniki işgärleri taýýarlamaga bagyşlandy.
Maslahatyň dowamynda alymlar, mugallymlar, talyplar we ýurdumyzyň ylmy edaralarynyň wekilleri ylym hem-de bilim ulgamyndaky üstünlikleri ara alyp maslahatlaşdylar. Olar döwlet goldawy netijesinde bu ugurlaryň ösmegi, täze nesil hünärmenleri taýýarlamak üçin ähli şertleriň döredilendigini nygtadylar. Hususan-da, ynsanperwer taýýarlygy kämilleşdirmäge hem-de ýurdumyzyň ylmy mümkinçiliklerini berkitmäge aýratyn üns berildi.
Maslahata gatnaşyjylar ylym we bilim ulgamyny ösdürmek ugrunda edilýän tagallalar üçin minnetdarlyk bildirdiler.
ORIENT
