Microsoft Xbox goşundysyna daşary hyzmatlary goldamak aýratynlygyny girizýär
Microsoft Windows üçin niýetlenen Xbox goşundysyna täze funksiýany synagdan geçirmäge başlady. Bu mümkinçilik ulanyjylara daşary çeşmelerden programmalary ýüklemäge we gurmaga ýol açýar. Xbox-yň menejerleriniň aýtmagyna görä, bu aýratynlyk Microsoft Store-dan daşary hyzmatlara elýeterliligi ýeňilleşdirip, olaryň hemmesini bitewi kitaphana birleşdirer.
Täze goşundynyň içinde «Meniň programmalarym» atly bölüm peýda bolar. Ol Steam, Battle.net we Ubisoft Connect ýaly meşhur oýun dükanlaryny öz içine alar. Bu täzelik esasanam Windows 11 operasion ulgamynda işleýän göçme oýun konsollarynyň, mysal üçin ROG Ally enjamynyň eýeleri üçin amatly bolar, sebäbi programmalaryň arasynda geçişi has ýeňilleşdirýär.
Häzirki wagtda täze aýratynlyk diňe Xbox Insider maksatnamasyna gatnaşýan çäkli ulanyjylar üçin elýeterlidir. Microsoft goldanylýan hyzmatlaryň sanawyny basym giňeltmegi meýilleşdirýär, emma onuň doly çykaryljak senesi entek mälim edilmedi.
ORIENT
