Rabab Fatima: Türkmenistanyň goldawy raýat guramalarynyň LLDC3 forumyna gatnaşmagyny üpjün etdi
Raýat jemgyýeti guramalarynyň BMG-niň Deňze çykalgasy bolmadyk ösüp barýan ýurtlar boýunça Üçünji maslahatyna (LLDC3) gatnaşmagy taryhy waka boldy. Bu barada BMG-niň Baş Sekretarynyň orunbasary, az ösen, deňze çykalgasy bolmadyk ýurtlaryň we ösüp barýan kiçi ada döwletleriň işleri boýunça Ýokary wekili, şeýle hem LLDC3 forumynyň Baş sekretary Rabab Fatima ORIENT saýty bilen söhbetdeşliginde belledi.
Fatima Türkmenistanyň hökümetine çärä raýat jemgyýetiniň gatnaşmagyny üpjün etmekde ýardam berendigi üçin minnetdarlygyny bildirdi.
“Bu taryhy waka. Bütin dünýäniň raýat jemgyýetine gatnaşyjylar bu ýere wajyp bir işiň bölegi bolmak üçin ýygnanyşdylar” – diýip belledi.
Onuň aýtmagyna görä, raýat jemgyýetiniň wekilleri diňe bir maslahata gatnaşman, eýsem Hereketleriň Awaza maksatnamasynyň taýýarlygyna möhüm goşant goşdylar. Rabab Fatima olaryň bu maksatnamany ýerlerde – bileleşiklerde we ilatyň arasynda durmuşa geçirilmegini ilertletmekdäki möhüm orny barada belledi.
“Olaryň foruma gatnaşmaklary we kabul ediljek hereketlere çagyryş Hereketleriň Awaza maksatnamasyny ýerine ýetirmekde möhüm goşant bolar” – diýip, Fatima aýtdy.
Ol raýat jemgyýeti guramalarynyň bileleşik derejelerinde hem-de öz ýurtlarynyň çäginde gowy ýagdaýda gurlandygyny belläp, global çözgütleriniň “lokallaşdyrylmagy” barada nygtady.
“Kararlar global derejede kabul edilýär, emma ýerli derejede durmuşa geçirilýär. Hut şu ýerde raýat jemgyýeti möhüm orun tutuýar” – diýip belledi.
Fatima BMG-niň LLDC ýurtlarynyň raýat jemgyýetleriniň konsultatiw we giňeldilen wekiller toparlary bilen hyzmatdaşlygyny dowam etdirjekdigini aýtdy. Ol Hereketleriň Awaza maksatnamasyny netijeli durmuşa geçirmek maksady bilen olaryň monitoringdäki, adwokatlaşdyrmakdaky we milli häkimeýtler bilen hyzmatdaşlykdaky ähmiýetli orny barada nygtady.
ORIENT
