ABŞ-da täze MQ-25 Stingray ýangyç guýujy dronyň täze görnüşi synagdan geçirilip başlandy
Boeing kompaniýasy, ABŞ-nyň Harby-deňiz güýçleriniň tabşyrygy boýunça, MQ-25 Stingray ýangyç guýujy dronyň soňky görnuşiniň ýer üstünde synaglaryna başlady. Bu enjam, howada beýleki uçarlara benzin guýup bilýän ilkinji dron bolar. Onuň peýda bolmagy, pilotly F/A-18F uçarlaryny tanker wezipesinden boşadyp, awia göteriji awiasiýanyň uçar giňişligini giňelder.
Synagdan geçirilýän MQ-25 drony, seriýa önümçiligine doly taýýar. Ol, diňe bu maksat üçin ýörite Illinoýs ştatyndaky täze zawodda ýygnaldy. Synaglaryň çäginde, rul ulanyp hereket etmek, ýangyç ulgamynyň we dolandyryş gurallarynyň işlemegi ýaly giňişleýin barlaglar geçirilýär. Dron, ganatdaky ýörite aagyja dakylýan konus bilen şlang arkaly benzin guýma ulgamyna eýedir.
Dron ilkinji gezek 2025-nji ýylyň ahyryna çenli howa uçurylar, awia göterijilerde synaglar bolsa 2026-njy ýylda geçiriler. Ilkinji MQ-25 dronlaryň tapgyry 2027-nji ýylda ýaragly güýçlere beriler. ABŞ-nyň HDG-si, her biriniň bahasy $160 milliondan gowrak bolan 76 sany dron satyn almagy meýilleşdirýär.
Dron, 7 tonna çenli ýangyç guýup, 10 sagada çenli howada bolup bilýär. Doly awtonom ýagdaýda benzin guýma işlemegi ýerine ýetirmek bilen bir hatarda, MQ-25, optiki sensorlar bilen gözegçilik funksiýalaryny hem ýerine ýetirýär. Uzun möhletde, harbylar, dronlaryň flotyň uçarlarynyň 60%-ine çenli köp bolmagyny umyt edýärler. Drony dolandyrmak, ýörite deňiz uçarlar merkezinden amala aşyrylar.
Tehniki taýdan, MQ-25 Stingray "uçýan ganat" görnüşinde gurlan, Rolls-Royce AE 3007N reaktiw hereketlendiriji bilen üpjün edilýär we 900 km-den gowrak uçuş menziline eýedir. Howada benzin guýulmagy, adam täsiri bolmazdan doly awtonom tertipde amala aşyrylýar.
ORIENT
