Ambiente Talents: Türkmen dizaýnerlerine çagyryş!
Interýer dizaýny we aksesuarlar boýunça işleýän kompaniýalary hem-de dizaýnerleri Frankfurtda (Germaniýa) geçiriljek Ambiente öý harytlary sergisiniň Talents promo-programmasyna gatnaşmaga çagyrýarys!
Interýer dizaýny, stol bezegi, aksesuarlar we bezeg harytlary bilen meşgullanýan ýaş dizaýnerler bu halkara sergä gatnaşmak üçin arza tabşyryp bilerler.
“Talents” brendi bilen Messe Frankfurt ýaş dizaýnerlere, talyplara we täze gutaran hünärmenlere goldaw berýär. 2026-njy ýylyň 6–10 fewral aralygynda geçiriljek Ambiente sergisinde gatnaşyjylara şu mümkinçilikler hödürlenýär:
• ýörite bezelen ýerde öňdebaryjy, tölegsiz sergi meýdançasy,
• ýokary derejeli netwroking platformasy,
• pudagyň hünärmenlerinden direkt seslenme almak,
• iş we senagat wekilleri bilen täze iş gatnaşyklaryny ýola goýmak.
Dizaýnerleriň dürli pikirleri we çözgütleri bilen baýlaşdyrylan Talents programmasy täze döredijilik mümkinçiliklerini açýar.
Ambiente – dünýäniň öňdebaryjy halkara sergisi
Ambiente – öý we interýer harytlary boýunça dünýäde iň uly halkara sergidir. Ol aşhana esbaplaryndan başlap, öý enjamlaryna, interýer dizaýnyna, sowgatlyk we moda aksesuarlaryna çenli giň ugurlary öz içine alýar.
2025-nji ýyldaky Ambiente sergisine 83 ýurtdan 4 000 gatnaşyjy gatnaşdy. Sergi dowamynda bäş günläp täze önümler, döredijilik pikirleri, hünär çäreleri, trend görkezmeleri we baýrak dabaralary geçirildi.
Has giňişleýin maglumat üçin: ambiente.messefrankfurt.com
Nädip gatnaşmaly?
Promo-programmada gatnaşmak üçin onlaýn platforma arkaly hasaba alyş we taslamalaryňyzyň / işleriňiziň ýokary hilli fotosuratlaryny ýüklemek zerurdyr.
Üns beriň: Goldaw programmasynyň çäginde berilýän tölegsiz stend siziň tarapyndan bezelen bolmaly we sergi dowam edýän wagtynda doly şekilde işleýän ýagdaýda saklanylmalydyr.
Arza tabşyrmagyň soňky möhleti: 08.08.2025 Arzalar nireden ugradylyp bilner?
Türkmenistandaky kompaniýalar we dizaýnerler öz arzalaryny Messe Frankfurt-yň Türkmenistandaky resmi hyzmatdaşy – TurkmenExpo arkaly ugradyp bilerler.
