Türkiýede dokma we taýýar egin-eşik boýunça Fashion Prime 8-nji halkara sergisi geçiriler
Dokma senagatyna, taýýar egin-eşik üpjün edijilerine we tehnologiýalara bagyşlanan 8-nji Halkara Fashion Prime sergisi 2025-nji ýylyň 22-24-nji oktýabry aralygynda Izmir şäherindäki Fuarizmir sergi merkezinde geçiriler. Çäräniň guramaçysy hökmünde İZFAŞ kompaniýasy çykyş edýär.
Sergi toý we agşamky mata öndürijilerini, dokma, ýüplük, aksessuarlar, tikinçilik enjamlary hem-de taýýar egin-eşik öndürijilerini milli we halkara alyjylar bilen birleşdirer. Çärä gatnaşmak iş gatnaşyklaryny ýola goýmak, täze bazarlara çykmak, eksporty giňeltmek we pudakdaky häzirki tendensiýalar bilen tanyşmak üçin mümkinçilik döreder.
Serginiň maksatly toparyna mata we ýüplük öndürijileri, egin-eşik öndürýän kompaniýalar, lomaý satyjylar, dizaýnerler, satyn alyjylar, moda brendleri, bölekleýin satyjylar, tikinçilik enjamlaryny öndürijileri we pudaklaýyn metbugat wekilleri girýär.
Fashion Prime her ýyl geçirilip, Türkiýäniň dokma pudagy üçin möhüm meýdançalaryň biri hasaplanýar. Sergi ýurduň eksport mümkinçiliklerini ösdürmäge we türk önümlerini halkara bazarlarda öňe sürmäge gönükdirilendir.
ORIENT
