Hepdäniň howasy: Türkmenistanda yssy howa dowam eder
Şu hepde Türkmenistanda howa şertleri esasan birmeňzeş saklanyp galar. Howanyň temperaturasy howa kadalary bilen deňeşdirilende 2–4 gradus ýokary bolar, hepdäniň ahyrynda bolsa ýurduň günorta sebitlerinde we Balkan welaýatynda yssynyň artmagy mümkin.
Duşenbe güni ýurt Russiýanyň Ýewropa böleginden uzalyp gelen antisiklon gerşiniň täsirinde bolar. Bu şertlerde ýurduň köp ýerinde temperatura +40° derejeden ýokary bolmaz. Daşoguz welaýatynda +31…+36°, beýleki welaýatlarda bolsa +35…+40° aralygynda howa garaşylýar.
Sişenbe güni antisiklonyň täsiri gowşap başlar, temperatura bolsa ýokarlanar: günortada +37…+42°, demirgazykda +33…+38° derejesine çenli ýokarlanar.
Hepdäniň ortasynda, çarşenbe we penşenbe günleri Daşoguz welaýatynda +33…+38°, beýleki welaýatlarda esasan +36…+42°, käbir ýerlerde bolsa +43° çenli ýetip biler. Hazar deňziniň kenarynda +31…+36° aralygynda temperatura garaşylýar.
Hepdäniň ahyrynda ýurduň günorta-günbatar we günorta sebitlerinde yssynyň güýçlenmegi mümkin. Balkan welaýatynyň käbir ýerlerinde temperatura +44° çenli, beýleki sebitlerde bolsa +42° çenli ýokarlanyp biler.
Aşgabatda gündizki howa derejeleri şeýle bolar:
– duşenbe: +37…+39°
– sişenbe: +39…+41°
– çarşenbe–penşenbe: +38…+41°
– anna–ýekşenbe: +37…+41°.
Howa hünärmenleri şeýle ýokary temperaturalaryň dowam edýän howanyň global üýtgemeleri bilen baglanyşykly has ýygy we güýçli ýüze çykýandygyny belleýärler.
ORIENT
