Täze okuw ýylynda ýaşlaryň watansöýüjilik ruhyna we hünär taýýarlygyna üns berler
2025-nji ýylyň 26-njy iýuly, anna güni geçirilen Türkmenistanyň Ministrler Kabinetiniň mejlisinde wise-premýer Baýramgül Orazdurdyýewa Prezident Serdar Berdimuhamedowa 2025-2026-njy täze okuw ýylyna taýýarlyk görmek boýunça alnyp barylýan işler barada hasabat berdi.
23-nji awgustda ýurdumyzyň öňdebaryjy bilim işgärleriniň maslahaty geçiriler. Bu çäräniň dowamynda geçen okuw ýylynyň jemleri jemlener, döwlet Baştutanymyz tarapyndan öňde goýlan wezipeleriň ýerine ýetirilişi barada maslahatlaşylar, täze maksatlar we ileri tutulýan ugurlar kesgitlener.
Maslahatda bilim ulgamyny kämilleşdirmek, onuň kadalaşdyryjy-hukuk binýadyny taýýarlamak, mugallymlaryň hünär derejesini ýokarlandyrmak hem-de halypa-şägirtlik däplerini ösdürmek meselelerine aýratyn üns berler.
Gepleşikleriň esasy ugurlarynyň biri – ýaş nesilde milli buýsanjy hem-de watançylyk duýgusyny terbiýelemek bolar. Bu ugurdaky işler Türkmenistanyň Prezidentiniň we Türkmenistanyň Halk Maslahatynyň Başlygynyň kitaplaryny öwrenmek esasynda alnyp barlar. Şunuň bilen birlikde, okuwçylaryň bäsleşiklere, olimpiadalara, ylmy taslamalara we hünär ugurly çärelere işjeň gatnaşmagyna aýratyn ähmiýet berler.
Döwlet Baştutanymyz hödürlenen teklipleri makullap, geljekki mugallymlar forumyna ýokary derejede taýýarlyk görülmegini tabşyrdy hem-de bilim ulgamynda möhüm meseleleriň çözgülmegine toplumlaýyn çemeleşmegiň zerurdygyny nygtady.
ORIENT
