Eýranyň Türkmenistana eksporty üç aýda 13%-den gowrak artdy
Eýranyň nebite degişli bolmadyk önümleriniň Türkmenistana eksporty geçen ýylyň şol bir döwri bilen deňeşdirilende, häzirki eýran ýylynyň ilkinji üç aýynda (2025-nji ýylyň 21-nji martdan 21-nji iýuna çenli) möçber taýdan 5,22%, nyrh taýdan bolsa 13,2% ýokarlandy.
Bu barada Trend Eýranyň Gümrük dplandyryşynyň maglumatlaryna salgylanyp habar berýär.
Maglumatlara görä, hasabat döwründe Eýran Türkmenistana takmynan 364 müň tonna nebite degişli bolmadyk önümleri eksport edipdir, bu bolsa takmynan 125 million ABŞ dollaryna deňdir. Geçen ýylyň şol döwri bilen deňeşdirilende, eksportyň möçberi 346 müň tonna bolup, onuň umumy bahasy 110 million dollara barabar bolupdy.
Eksport edilen önümleriň arasynda oba hojalyk we azyk önümleri, senagat harytlary, transformatorlar, suw sowadyjy enjamlary, nebit-himiýa önümleri hem-de beýleki dürli görnüşler bardy.
Eýran bilen Türkmenistanyň arasynda söwda dolanyşygy şu üç aýyň dowamynda 365 müň tonna möçberinde bolup, umumy bahasy takmynan 127 million ABŞ dollaryna ýetdi.
Umumylykda, Eýranyň Gümrük müdirliginiň maglumatlaryna görä, şu ýylyň ilkinji üç aýynda ýurt umumy bahasy takmynan 11,7 milliard dollar möçberinde 34,5 million tonna nebite degişli bolmadyk harytlary daşary ýurtlara eksport etdi.
