Linda Ýakkarino X kompaniýasynyň baş direktory wezipesinden gitdi
Linda Ýakkarino ozal Twitter ady bilen tanalýan X platformasynyň baş direktory wezipesinden gidýändigi barada habar berdi. Ol bu wezipede takmynan iki ýyl ýolbaşçylyk etdi. Onuň işden çekilmeginiň sebäpleri we ornuna geçjek ýolbaşçy barada entek resmi maglumat berilmedi. Ýakkarino bu wezipä 2023-nji ýylyň maý aýynda, Twitter-iň Ilon Mask tarapyndan satyn alynmagyndan soň bellenilipdi.
Öz beýanatynda Ýakkarino Ilon Maska minnetdarlyk bildirip, işlän döwründe “işewürlikde taryhy öwrülişikleriň” bolandygyny, ulanyjy howpsuzlygynyň ýokarlandyrylandygyny we mahabat berijileriň ynamynyň dikeldilendigini belledi. Şeýle-de bolsa, onuň ýolbaşçylygy döwründe birnäçe dawa-jenjel, maliýe kynçylyklary we Meta Threads hem-de Bluesky ýaly platformalardan güýçli bäsdeşlik ýüze çykdy. Şeýle hem, bu ýagdaýlar Grok atly gepleşik botynyň jedelli täzelenmesinden soň bolup geçdi, bu täzelenme X platformasynda kabul edip bolmajak mazmunyň ýaýramagyna sebäp boldy.
Ilon Mask köpçüligiň öňünde Linda Ýakkarinonyň platformanyň ösüşine goşan goşandy üçin oňa minnetdarlyk bildirdi.
ORIENT
