Türkmen karateçileri Bişkekde 26 medal gazandylar
Türkmenistanyñ WKF karate boýunça ýygyndy topary Bişkekde geçirilen 10-njy Merkezi Aziýa çempionatynda 26 medal gazandylar. Olaryñ 9-y altyn, 6-sy kümüş we 11-i bürünç medallardyr.
Çempionata Gazagystandan, Gyrgyzystandan, Täjigistandan, Türkmenistandan we Özbegistandan 609 karateçi gatnaşyp, olar kadetleriñ, ýetginjekleriñ we ulylaryñ arasynda kata we kumite görnüşleri boýunça ýaryşdylar.
Çempionatyñ soñky gününde türkmen türgenleri toparyñ hasabyna 8 medal getirmegi başardylar, olaryñ 4-si altyn.
Altyn medallaryñ eýeleri:
• Muhammetoraz Gulow (12 ýaşa çenli kumite, 35 kg çenli)
• Kirill Kolodin (12 ýaşa çenli kumite, 45 kg çenli)
• Kuwwat Ahalyýew (12 ýaşa çenli kumite, 45 kg ýokary)
• Ahmet Aýazow (14 ýaşa çenli kumite, 40 kg çenli)
Kümüş medaly Arsen Haçiýan (12 ýaşa çenli kumite, 40 kg çenli) gazandy.
Kumite görnüşi boýunça bürünç medallary:
• Begli Baýramow (12 ýaşa çenli, 35 kg çenli)
• Fýodor Kiselýow (12 ýaşa çenli, 35 kg çenli)
• Remezan Orazmämmedow (14 ýaşa çenli, 40 kg çenli) gazandylar.
Türkmenistan döwletimiziñ adyndan 36 türgen gatnaşyp, ýygyndymyz umumy medal hasabynda dördünji ýeri eýeledi. Beýleki ýurtlardan köpsanly gatnaşyjylaryñ gatnaşandygyny hasaba almak bilen, bu örän gowy netije bolup, türkmen karateçileriñ ýokary taýýarlyk derejesini tassyklaýar.
ORIENT
