Türkmenistan bilen Hytaýyň Hebeý welaýatynyň arasynda söwda dolanyşygynyň ösüşi hasaba alyndy
2025-nji ýylyň ilkinji bäş aýynyň dowamynda Hytaýyň Hebeý welaýaty bilen Merkezi Aziýa ýurtlarynyň arasynda söwda möçberi iň ýokary derejä 3,03 mlrd ýuana barabar boldy. Bu ösüş arkaly Türkmenistan bilen hyzmatdaşlyk hem pugtalanýar: taraplaryň arasyndaky söwda dolanyşygy 120 mln ýuan bolup, ol 120 % ösüş görkezdi.
Sinhua agentliginiň habar bermegine görä, Hebeýden sebitiň ýurtlaryna eksport möçberi 100 % artyp, 2,5 mlrd ýuana ýetdi. Şol bir wagtda import bolsa 530 mln ýuana deň bolup, ol 160 % ýokarlandy.
Türkmenistan bilen söwda hyzmatdaşlygyň möhüm ugry bolmagynda galýar. Türkmenistan Merkezi Aziýanyň bäş ýurdunyň biri bolup, ol Hebeý bilen işjeň özara gatnaşyklary alyp barýar. Türkmenistandan başga-da, welaýatyň esasy söwda hyzmatdaşlarynyň arasynda Gazagystan, Özbegistan, Gyrgyzystan we Täjigistan bar.
Merkezi Aziýa ýurtlaryndan Hebeýe import edilýän meşhur harytlaryň arasynda – işlenilmedik öküz derisi we günebakar ýagy, şeýle hem beýleki oba hojalyk we çig-mal önümleriniň giň görnüşleri bardyr. Şol bir wagtyň özünde welaýatdan sebite awtomobil eksporty hem möhüm ösüş görkezijilerine ýetdi – onuň möçberi 580 mln ýuana deň boldy.
Hytaý bilen Merkezi Aziýa ýurtlarynyň, şol sanda Türkmenistanyň arasyndaky hyzmatdaşlyk söwdanyň, logistikanyň we senagat alyş-çalyşyň esasy ugurlary boýunça ösmegini dowam etdirýär.
ORIENT
