Sergeý Lawrow Aşgabada resmi sapar bilen geler
Russiýa Federasiýasynyň Türkmenistandaky Adatdan daşary we Doly ygtyýarly Ilçisi Iwan Wolynkin FR DIM-niň ýolbaşçysynyň ýakyn wagtda Aşgabada boljak sapary barada habar berdi.
“Häzirki wagtda Russiýa Federasiýasynyň Daşary işler ministriniň Türkmenistana resmi sapary üçin işjeň taýýarlyk görülýär. Sergeý Wiktorowiç Lawrow iýun aýynyň ahyrynda Aşgabada sapar bilen geler diýip garaşýarys” – diýip, Russiýanyň güni mynasybetli “Ýyldyz” myhmanhasyndan geçirilen dabaraly kabul edişlikdäki çykyşynda Wolynkin aýtdy.
Ilçi rus-türkmen yzygiderli dialogynyň döwletara gatnaşyklarynyň ähli ugurlarynyň ösmegine täsir edýän iň möhüm faktordygyna ynanýandygyny aýtdy.
Şeýle hem Ilçiniň çykyşynda: “Biz Türkmenistanyň BMG-niň Baş Assambleýasynyň degişli kararnmalary bilen üç gezek ykrar edilen hemişelik Bitaraplyk syýasatyna ýokary baha berýäris we goldaýarys” – diýip bellenildi.
ORIENT
