Vivo USB-C kabeli bilen enjamlaşdyrylan 33 wattlyk tiz zarýadly Power Banky öndürdi
Vivo resmi taýdan täze 33 wattlyk daşarky batareýasy bilen — Power Banky — tanyşdyrdy. Enjam 10 000 mA/sag göwrümli litiý-polimer batareýa bilen üpjün edilendir we inçe hem ýeňil daşky gaby bilen tapawutlanýar (galyňlygy bary-ýogy 15 mm, agramy bolsa 177 gram).
Täze Vivo 33W Power Bank birnäçe tiz zarýad protokollaryny goldaýar: FlashCharge 33 W, PD 22,5 W, QC 18 W we PPS 33 W. Bu bolsa Apple we Android smartfonlary, planşetleri, akylly sagatlary we oýun konsollary bilen giň utgaşyklygy üpjün edýär. Öndüriji enjamyň iPhone 16 modeline bary-ýogy 30 minutda 58%-e, Vivo S30 modeline bolsa 36%-e çenli zarýad berip bilýändigini belleýär.
Täze Power Bankyň aýratynlygy — ýeňil, çeýe dokalan materialdan taýýarlanan, L şekilli ujy bolan USB-C kabeliniň gurluşa ýerleşdirilmegidir.
Enjamyň howpsuzlygy birnäçe gorag ulgamy bilen üpjün edilendir: artykmaç dartgynlylykdan, tok ýüklenmesinden, artykmaç zarýadlamadan, gysga utgaşykdan we elektrostatiki razrýaddan gorag. Şeýle hem, bu Power Bank uçuşda ulanmak üçin hopwsuz hasaplanýar we Hytaýyň “Täze milli standartyna” laýyklykda sertifikatlandyrylandyr.
ORIENT
