TDU we Gawr uniwersiteti: bilim ulgamynyñ geljegi baradaky dialog
23-nji maýda Fransiýanyñ Gawr uniwersitetiniñ prorektory Ž.-N.Kastorion we halkara aragatnaşyklar ditektory P.Bartelemi Magtymguly adyndaky Türkmen döwlet uniwersitetine bardylar. Olaryñ Türkmenistana amala aşyran saparlary akademiki hyzmatdaşlygyñ pugtalandyrylmagyna gönükdirildi.
Duşuşygyñ dowamynda iki uniwersitetiñ wekilleri özara gatnaşyklaryñ ileri tutulýan ugurlary barada maslahatlaşyp, öz bilim edaralary bilen tanyşdyrdylar. Türkmen döwlet uniwersitetiniñ öñden bäri fransuz dili we edebiýaty boýunça ýokary taýýarlykly hünärmenleri taýýarlamak hem-de beýleki daşary ýurt dillerini öwrwtmek däbiniñ bardygy bellenildi.
Duşuşygyñ ahyrynda oña gatnaşyjylar iki ýurduñ baştutanyna ylym-bilim ulgamynda hyzmatdaşlygyñ ösdürilmegi üçin döredip berýän mümkinçilikleri, şeýle hem olaryñ parahatçylygy we ynanyşmagy pugtalandyrmaga goşýan goşantlary üçin minnetdarlygyny bildirdiler.
ORIENT
