Türkmenistanda "Ak şäherim Aşgabat" atly XXIV Halkara köpugurly sergisi açyldy
Türkmenistanyň Söwda-senagat edarasynyň Sergi merkezinde Aşgabat şäheriniñ güni mynasybetli “Ak şäherim Aşgabat” atly XXIV Halkara köpugurly sergisi açyldy. 24–25-nji maý aralygynda geçirilýän bu sergä gurluşyk, binagärlik, dizaýn we şäher gurluşygy ugurlarynda gazanan üstünliklerini görkezýän takmynan 200 sany türkmen hem-de daşary ýurt kompaniýasy gatnaşýar.
Sergide döwlet edaralary, hususy kärhanalar we işewür düzümler häzirki zaman Aşgabadyň keşbini döretmäge gönükdirilen “ýaşyl” tehnologiýalar hem-de beýleki innowasion taslamalary bilen çykyş edýärler. döwlet edaralary, hususy kärhanalar we işewür düzümler häzirki zaman Aşgabadyň keşbini döretmäge gönükdirilen “ýaşyl” tehnologiýalar hem-de beýleki innowasion taslamalary bilen çykyş edýärler.
Prezident Serdar Berdimuhamedowyň öz ýüzlenmesinde belleýşi ýaly, bu sergi köp ýyllaryň dowamynda paýtagtymyzda amala aşyrylan giň gerimli özgerişlikleriň aýdyň beýany bolup hyzmat edýär we halkara hyzmatdaşlygynyň pugtalandyrylmagyna goşant goşýar.
Serginiň dabaraly açylyş çäresine Hökümet agzalary, ministrlikleriň we pudak edaralarynyň ýolbaşçylary, diplomatik korpusyň wekilleri, jemgyýetçilik işgärleri, köpçülikleýin habar beriş serişdeleri, şeýle-de Aşgabadyň ýaşaýjylary we myhmanlary gatnaşdylar.
Bu sergi döwlet şähergurluşyk syýasatynyň gurluşykdan we binagärlikden başlap, senagat, ulag, aragatnaşyk, maliýe, bilim, saglygy goraýyş, medeniýet, syýahatçylyk we sport ýaly köp ugurlaryny öz içine alýandygyny aýdyň görkezýär.
Sergide senagat önümlerinden we amaly-haşam sungat eserlerinden başga-da, ekologiýa taýdan arassa şäher ulgamlaryny döretmäge gönükdirilen iri “ýaşyl” maýa goýum taslamalary, energiýany tygşytlaýjy tehnologiýalar hem-de şäher gurşawynyň abadançylygyny saklamaga gönükdirilen gurluşyk taslamalary görkezilýär.
Serginiň möhüm bölegini inžener kommunikasiýalaryñ awtomatlaşdyrylan dolandyryş ulgamlary eýeleýär.
ORIENT
