10 ýylyň dowamynda ilkinji gezek: Google täze logotip bilen çykyş etdi
Amerikanyň tehnologiýa ägirdi Google soňky on ýylda ilkinji gezek öz korporatiw logotipini täzeledi, bu barada 9to5google neşiri habar berdi 9to5google.
Täze dizaýniñ çäginde kompaniýa "G" harpyna üýtgeşmeler girizdi – öňki düşnükli reňk bloklarynyň ýerine, indi geçişli gradient ulanyldy. Şol bir wagtda Google-yň tanymal şrifti üýtgemän galdy. Täze logotipiň görnüşi eýýäm iOS operasion ulgamynda Google goşundysynda peýda boldy. Emma Android ulanyjylary we web-brauzer arkaly girýänler häzire çenli köne nyşany görýärler.
Google-yň logotipi soňky gezek 2015-nji ýylyň 1-nji sentýabrynda täzelenipdi. Şonda kompaniýa şrifti üýtgedip, kiçi “g” harpynyň ýerine uly “G” harpyny ornaşdyrypdy.
Gyzykly tarapy, bu täzelikden birneme öň, 6-njy maýda Google täze Material 3 Expressive täze interfeýs stiliniň suratlaryny paýlaşdy. Bu stil geljekki Android 16-da peýda bolar. Işläp taýýarlaýjylar bu dizaýny Android ulgamynyň taryhyndaky iň çylşyrymly we seresaply taýýarlanan görnüşi diýip häsiýetlendirdiler.
Material 3 Expressive stiliniň resmi tanyşdyrylyşy 20–21 maýda geçiriljek Google I/O Google-yň ýyllyk konferensiýasynda bolup geçer. Şol çärede kompaniýanyň Android 16-nyň täze görnüşini hem görkezmegi meýilleşdirilýär.
Mundan başga-da, Google ozal iPhone enjamlaryna öz emeli aň tehnologiýalarynyň tiz wagtda ornaşdyrylmagy barada hem habar beripdi.
ORIENT
