Türkmenistanyñ Adatdan daşary we Doly ygtyýarly ilçisi Mongoliýanyñ Prezidentine ynanç hatlaryny gowşurdy
2025-nji ýylyñ 21-nji aprelinde Ulan-Bator şäherinde Türkmenistanyñ Mongoliýadaky (hemişelik oturýan ýeri - Pekin ş.) Adatdan daşary we Doly ygtyýarly ilçisi Parahat Durdyýewiñ Mongoliýanyñ prezidenti Uhnagiýn Hurelsuha ynanç hatlaryny gowşurmak dabarasy geçirildi. Bu waka iki ýurduñ arasyndaky ikitaraplaýyn gatnaşyklary pugtalandyrmakda möhüm ädim boldy.
Ilçi Türkmenistanyñ Prezidenti Serdar Berdimuhamedowyñ hem-de Halk Maslahatynyñ Başlygy Gurbanguly Berdimuhamedowyñ atlaryndan gutlaglaryny we iñ gowy arzuwlaryny ýetirdi.
Mongoliýanyñ Prezidenti hoş sözler üçin minnetdarlygyny bildirip, hyzmatdaşlygyñ mundan beýläk-de ösdürilmeginiñ wajyplygyny belledi.
Dabaradan soñra, türkmen diplomaty bilen Mongoliýanyñ daşary işler ministri Batseseg Batminhiýniñ arasynda duşuşyk geçirilip, onda türkmen-mongol hyzmatdaşlygynyñ mümkinçilikleri, şol sanda syýasy gepleşikler, söwda-ykdysady gatnaşyklary we medeni alyş-çalyşlar barada pikir alyşdylar. Iki diplomat hem olaryñ özara gatnaşyklarynyñ iki ýurduñ halklarynyñ arasynda dostlugy we özara düşünişmegi pugtalandyrmaga ýardam berjekdigine ynam bildirdiler.
ORIENT news
